Павлодарлық 4000-нан аса колледж студенті тегін білім алатын болады

Февраль 25
2016

Павлодарлық 4000-нан аса колледж студенті тегін білім алатын болады

Павлодар облысында 25 жұмысшы мамандығы бойынша білім алатын 4400-ге жуық колледж студенті тегін оқуға ауысты, деп хабарлайды pavlodarnews.kz. Облыстық білім беру басқармасы агенттікке хабарлағандай, бұрын студенттер оқуға орташа есеппен 350 мың теңге төлесе, бүгінгі күні олардың оқуына ақы төлеуді мемлекет өз жауапкершілігіне алған. Ведомствоның ақпараты бойынша әзірге республика бойынша мұндай жаңашылдық Павлодар облысында ғана енгізілген. Сонымен қатар сессияны жақсы тапсырған студенттерге айына 16,4 теңге көлемінде шәкіртақы беріледі. Дәл қазір 11500 адамның ішінде үздік студенттердің саны - 7 мың адам. Бұл іске жұмыс берушілер де өз үлесін қосуда. Мысалы, соңғы үш жылда аймақтағы кәсіпорындар мемлекеттік тапсырысқа қосымша 587 арнаулы грант бөлген. Сондай-ақ, өндіріс орындары ақысы төленетін бір жарым мың тәжірибе орнын ұсынып, колледж студенттерінің әрқайсысына айына 27 мың теңге ұсынады. төлейді. Жұмыс берушілер 371 студентке 11 мың теңгеден атаулы шәкіртақы тағайындаған. Фото: 1720.kz

Источник: uralskweek.kz